मुक्तक १
अधुरो–अधुरो लाग्ने जीवन ऊ बिना
उसकै सपना देख्ने नयन आँसु बिना
उसले दिल माग्यो, लिएर टाढा भयो
खै, कसरी रहन्छ र शरीर मुटु बिना
बिज्ञापन
मुक्तक २
.देखेर अनेकौ सपना धेरै रहर बोकेर हिनियो
जिन्दगी बोक्नै नसक्ने पिडाको भारी भैदियो
घर बनाउनकै लागि देशै छोडेर हिन्दा आज ,
के सम्झेर फर्कौं भएकै सानो घरै पनि भत्कियो
बिज्ञापन
मुक्तक ३
लिलामी गर्न इज्जत, बजार खोज्छन्
तीललाई पहाड बनाउन पत्रकार खोज्छन्
पराइलाई के चासो छ? हेर्छन् रमिता मात्रै
रेट्नलाई घाँटी आफ्नैले तरबार खोज्छन्
मुक्तक ४
मनमा हर्ष होस्, उल्लास होस् प्रभातसँगै
हिजोभन्दा आज खास होस् प्रभातसँगै
कहिल्यै नहोस् दुःख–पीर, कामना छ मेरो
हर दिन हजुरको मधुमास होस् प्रभातसँगै
बिज्ञापन
मुक्तक ५
झेल्न सक्छु दुःख–पीर, तिमी हुनुपर्छ
मेरो दाहिने–देब्रेतिर तिमी हुनुपर्छ
जति हन्डर खाए पनि कहिल्यै झुक्ने छैन
हुन्छ सधैँ ठाडो शिर, तिमी हुनुपर्छ
